大型購物商場近年愈開愈多，但不論新舊，都設計成九曲十三彎，有網民在香港高登討論區提出：「全香港最容易蕩失路嘅商場係邊個？」結果即時得到大批網民附和。有網民形容不熟悉商場內部環境，猶如踏入迷宮，其中位於尖沙嘴的海港城，更成為大部份網民眼中最容易「蕩失路」的商場。
「有時行行吓都唔知自己喺邊度,又唔知點行返出去。」網民廣瀨亞紀批評海港城設計混亂，有網民甚至形容：「我攞埋張地圖都睇唔明點行，最慘係唔識行番出去。」Solitarilism則稱：「海港城如果唔係我喺嗰度返過一排工，真係會蕩失路。」除了海港城外，朗豪坊、沙田新城市廣場和屯門市廣場都被形容是「迷宮式商場」，有網民甚至自嘲要帶備手提電話，準備隨時求救。