成龍今年拍嘅《寶貝計劃》票房理想，但近日喺馬來西亞就有報道指呢套戲會開拍續集，並會招考演員，片酬由10萬令吉（約50幾萬港幣）起，申請人需要繳交約2,600元港幣嘅申請費，不過成龍英皇影業公司發言人蘇志鴻就話：「公司未有計劃開拍《寶貝計劃2》，更唔會招考演員，呢個應該係欺詐行為，已知會公司法律部。」