華華經常出入滙豐總行，認得佢哋有位個子高高嘅保安，平時戴住頂帽，着住套標準保安員制服，噚日見佢形象煥然一新，換上黑色外套、結上銀行嘅領呔、除下保安員嘅帽，完全唔同feel！ 事關保安員嘅制服同形象，都要配合番滙豐總行大廈新大堂，要變得更高格調。 另外，如果你最近經過滙豐總行嘅地下廣場，會發現佢哋原有嘅三個獨立電梯大堂已經合而為一，喺公眾入口處設立咗一個「中央訪客接待處」，由兩位年輕貌美嘅職員負責登記資料同接待，十足酒店前台嘅接待員咁款。