何韻詩明年1月再開演唱會，其公司有見阿詩在10月的演唱會中不慎爆胎走光，所以昨日特別在記招中送上一條金色底褲給她，不過阿詩一見金底褲即時扁嘴，還露出一副厭惡表情，看來不太喜歡這個安排。
何韻詩昨日在紅磡宣傳明年1月19及20日舉行的紅館演唱會，大會安排一個巨型黃色氣球讓她舉行爆波儀式，寓意演唱會一開就爆滿，不過阿詩似乎不甚喜歡這個儀式，不停迴避大氣球，更大呼小叫，最後在不情不願下用針拮爆大波。
難辨男女裝
大氣球內還有多個小氣球，其中一個小氣球藏有公司送給阿詩的禮物，她弄爆該氣球後，發現內藏一條金色底褲，阿詩見到金底褲即時扁嘴，露出一副非常厭惡的神情，不停大叫：「乜嘢嚟㗎？好核凸呀，唔要得唔得呀？」其公司表示送金色打底褲給她，只想她在演唱會上不要再洩春光。
不過阿詩這番真情流露，似乎不太畀面公司，她笑說：「咁係好核凸嘛，都唔知係男裝定女裝，又冇喱士。」問她再開演唱會時如何防止走光？阿詩說：「其實我都冇乜所謂，要露都露過。」阿詩表示今次的演唱會會重新做過一批衫，與設計師劉培基商量過後，將不會再穿紅色刺繡的裙子。
海報欠祖兒
今次個唱海報中，阿詩找來不少朋友站在身後作背景，問到為何沒有其好友容祖兒，阿詩說：「我個個朋友都有叫，不過唔同公司嘅問題，所以咪嚟唔到囉。」有指劉浩龍無懼公司會責怪，為她影這張海報，阿詩不經意地說：「係呀。」其後有記者指那是否代表祖兒怕公司，她即轉口風說：「唔係呀，劉浩龍都有同公司講，咁總之嚟到嘅咪嚟囉。」
採訪：胡比 攝影：仇志德
