家吓日日都有新機出，日前摩托羅拉啱啱推出咗部新E6手機，搵萬人迷周杰倫做代言人，主席兼行政總裁詹德（EdwardZander）就俾周董搶盡風頭。噚日由詹德做主角，為美商會3GWorldProgress演講，不過似乎講手機演變史，多過講3G。
佢一出場就拎部歷史遺物──大哥大水壺電話出嚟，話個水壺18年前已經面世，當年要成兩萬七蚊，雖然水壺比起現代電話大幾倍，不過，佢高呼Istilllikethis，仲話𠵱家興復古，水壺必成潮物。轉個頭，佢拎最新嘅E6出嚟showoff，讚部手機有齊音樂、錄像等功能，仲笑話mobilephone可以改名叫mobileinternet，因為隨時隨地有手機就上到網。