琦琦前日以SK-II代言人身份到廣州，出席品牌於內地專櫃重開剪綵活動。
唔敢食番茄蛋
身穿JustCavalli新裝的琦琦表示甚少到廣州，她說：「吸引好多市民圍觀，可能佢哋喺電視見得我大頭多，未見過我，佢哋不停話我好高好瘦。」原本琦琦想飽嚐廣州美食，她說：「我叫咗最鍾意嘅番茄炒蛋、蒸雞、蒸魚，不過啲工作人員驚啲蛋嘅出處，又驚魚有孔雀石綠，最終我淨係食白灼西蘭花同炒麵。」
此外，問琦琦聖誕有甚麼節目，她說：「之前會同華仔去北京工作，原本計劃同囡囡去泰國過聖誕，不過華仔趕緊兩部戲，只得一日半假期，惟有同囡囡去廸士尼樂園過聖誕。」
採訪：DebbieLum