陳法拉前晚在銅鑼灣時代廣場宣傳數碼產品，她先後換上三套中式服裝亮相，吸引大批攝影發燒友拍照。陳法拉說：「我𠵱家好鍾意袋住部細相機四圍影相，尤其入咗娛樂圈之後，更加鍾意影靚相，以前做model時影嘅都係時裝相，冇影過性感寫真㗎，因為我都冇咁嘅心。」
不敢先斬後奏
陳法拉自認思想保守，只愛躲起來玩自拍，遑論拍半裸或全裸照，因為會被母親怒罵，她說：「雖然我媽媽喺美國，但資訊發達，佢會睇到啲報道㗎。」問她有否試過先斬後奏，陳法拉說：「冇，宣傳工作咁公開，唔可以發生啦。」陳法拉表示即使傳緋聞，母親都會致電詢問，她說：「不過我媽媽好信我，只會打嚟問，我解釋佢會明白。」
採訪、攝影：張俊銘