【本報訊】的士車行車主協會計劃投資數百萬元，最快於明年夏季為500至600部市區的士安裝衞星系統，提供追蹤失車及快捷電召服務，估計司機每月需繳一百多元服務費，每宗成功交易額外繳付2至10元。的士團體普遍歡迎系統，但對收費模式及成效抱懷疑態度。
市區的士司機聯委會主席郭志標指出，一百多元相等於現時電召服務收費，尚算合理，但反對每宗成功交易額外收費，「如果每單order收錢，就惟有祝佢好運，睇吓有冇人肯用。一日做咁多單，自己都唔記得啦，條數咁亂，都唔知你有冇呃錢。點解唔簡單化，一個月費包晒呢？」
的士同業聯會主席梁紹昌表示，新加坡多年前已實行此系統，效果理想，但由於該國的地理環境及密度與香港迥異，擔心在本港有許多接收盲點。