韓國娛圈最近發生「冰毒勒索」事件，有網友假扮速遞員，將裝有針筒同毒品嘅包裹送到藝人經理人公司，然後勒索5名藝人，話佢哋喺不知不覺嘅情況下藏有冰毒，為免被檢控致身敗名裂，歹徒要求藝人將巨款存入賬戶。曾唱日劇《輪舞曲》插曲、受害者之一嘅男歌手李承哲，噚日開記招，譴責犯案嘅人行為可恥。