李嘉欣早前穿上Anteprima服裝替雜誌拍照，近日和許晉亨蜜運中的她心情大好，面對鏡頭經常笑不攏嘴。問嘉欣怎看其高調的戀情？她說：「俾記者撞到追訪，我咪惟有笑住答，咁佢哋都係打份工啫，大家各自做好自己嘅工作崗位就算，𠵱家冇一樣嘢可以影響到我嘅心情。」
「去到邊都咁開心」
事業愛情皆得意的嘉欣，覺得生命中哪樣事情最有意義？她說：「我𠵱家生活好輕鬆，雖然唔講得係收成期，不過我可以自己去選擇自己鍾意嘅工作，如果想傾訴又有朋友喺身邊，去到邊都一樣咁開心。我又好尊重自己嘅工作，遇到好戲一樣會拍，冇就算囉，我唔會強求。」嘉欣表示希望不久將來會遇上一個有層次的劇本，以及碰到一名導演有心去改造她，令觀眾對她改觀，嘉欣說：「呢樣嘢真係要隨緣。」