來到歐冠盃分組賽最後一輪，16強剩餘6張空櫈懸而未決，豪門如巴塞隆拿、曼聯、阿仙奴等仍未有着落。去屆冠軍巴塞，會否出局後轉戰足協盃奪魁而回？曼聯又能否成功復仇，將賓菲加踢出16強？
亨利缺陣踢法趨保守
相對巴塞、曼聯及賓菲加要打甩髀非勝不可，波圖主場對「兵工廠」阿仙奴一仗形勢及賽果反而微妙，雙方但求和氣收場。因賽和的話，由於阿仙奴的對賽成績勝於波圖，同分下「兵工廠」可成小組首名。
阿仙奴在亨利缺陣下，相信踢法會較保守；波圖曾在作客時以0:2敗於阿仙奴，心理上會略處下風。阿仙奴及波圖均假設莫斯科中央陸軍能擊退漢堡，今晚雙方只要言和，就可攜手出線16強。
此令我記得04年歐國盃分組賽丹麥對瑞典，兩隊當年形勢等同明夜的波圖及阿仙奴。由於和波已出線，當兩隊踢成2:2後，已不見雙方球員踏足對方半場。若明晚情況再次重演，大家或可提早5至10分鐘上床就寢去也！
強尼
有線球彩台主持
電郵：[email protected]