雲尼斯達萊今季過檔皇馬表現唔錯，𠵱家仲以8個聯賽入球列射手榜次席。原來當初佢加盟皇馬份合約列明，如果雲佬做到西甲神射手，皇馬要額外科70萬鎊（約1,070萬港元）畀曼聯，皇馬話呢啲錢唔慳得，咁豪氣？不過皇馬歐冠盃作客基輔戴拿模肯定豪唔起，因據講佢哋會派出8名𡃁仔上陣，大家知買邊隊贏啦。