李克勤同盧淑儀上星期二拉埋天窗，大家都戥佢哋歡喜，但就惹嚟好多傳媒嘅追訪。克勤之前聲言話擺酒後唔會去度蜜月，因為要宣傳新碟同唔想俾人跟喎，點知原來佢係講大話，一擺完酒佢兩公婆就飛咗，應該係去外地註冊兼蜜月啦。噚日查小欣喺電台節目度話本來想搵克勤做訪問，點知佢個電話飛咗去留言信箱，話自己唔喺香港喎。