現年31歲嘅日本女星米倉涼子，近期拍劇時有唔少機會着和服，令觀眾印象深刻。相信因為咁，米倉喺前日舉行嘅第四屆和服大獎獲選為着和服最好睇女星，米倉配合大會主題，仲着咗套黑色繡上菊花嘅和服領獎。 臨近聖誕，米倉被問到點為之最理想聖誕節時話：「我最想同鍾意嘅人去巴黎或紐約過節，不過，我暫時未有打算結婚。」