梁詠琪（GiGi）昨日在尖沙嘴接受《志雲飯局》訪問。訪問前，陳志雲給GiGi送上腰封和一套四件的行李箱，他表示希望GiGi的腰傷能早日痊癒，又知道她喜歡旅遊，故此送上行李箱。
GiGi也投桃報李送了3個煲呔給對方，她說：「今次係我第一次送煲呔畀人，呢次訪問有啲似送羊入虎口，不過冇所謂，當傾偈，但希望佢手下留情。」她又強調訪問時會真情流露絕不矯飾。對於被指錄新歌《原來愛情這麼傷》時感觸落淚，GiGi笑言跟舊愛鄭伊健無關，只是自己眼淺。
否認嬲克勤
此外，陳志雲昨日接受商台電話訪問，談到有報道指無綫契仔李克勤激怒陳志雲，他否認說：「結婚係個人嘅事，而且之前我哋直播結婚，每次都好似冇好結果，所以我只係有提議過叫克勤做一個婚前寡佬派對，但當時克勤話要問老婆，所以話唔好，我都只係叫佢有乜需要幫手就開聲，總之今次無傷大雅，得啖笑，唔會影響頒獎禮成績。」
採訪、攝影：何永寧