廖碧兒與鄧麗欣（Stephy）昨日出席在機場博覽館舉行的科技博覽展，二人以模特兒身份在場展示新款手機，Stephy表示自己平時也有留意新款手機，不過就不會盲目追求最新的款式。
廖碧兒望置業
Stephy透露稍後會參演葉念琛執導的《獨家試愛2》，提到早前與對方傳出緋聞時，Stephy也承認再度合作感到尷尬，她說：「都會有啲尷尬，最近因為套戲有同佢一齊傾劇本，都驚俾人影到又有嘢寫。」問她為何不約男主角方力申一起傾談劇本，Stephy說：「三個人出嚟又會俾人寫三角戀吵大鑊，咪仲衰。」
另外，廖碧兒近期頻頻出席大小活動賺外快，她表示正努力賺錢，希望可以盡快置業，她說：「我最近都有睇過清水灣嘅獨立屋，不過𠵱家只係夠錢畀首期，梗係要繼續努力啦！」
採訪：楊潔雯
攝影：陳順禎
