講開場倫敦打吡，睇亨利喺場邊動作多多，例如艾廸巴約入波後第一時間同佢相擁，似乎想話畀人知，佢對隊波仲好投入，亦同領隊雲格無不和。但佢不嬲唔係咁熱情，今次好似着迹少少，似做騷喎！亨利賽後話佢可能因頸傷錯過下周日對車仔場大戰，可能？唔係話佢要唞到聖誕咩？前後矛盾，唔通亨利真係扭緊計？