每次食自助餐，都是將一大盤食物分門別類放在Bar枱上任攞任吃。當入到L'Eclipse時，食物還是放在眼前，不過由口味選擇、生熟程度到配料，完全Tailor-made，睇住廚師們即席烹調，無論在視覺，放入口的食物都特別美味。
記者︰方綺君
攝影︰何家亮
廚師行出廚房
以前在餐廳，顧客在外落Order，廚師在廚房埋頭工作，我食我的、你做你的，少有交流機會。現在新一代的飲食概念，都會鼓勵廚師走出廚房和顧客多交流，更了解顧客的口味。剛於上星期二開業的互動餐廳L'Eclipse，就打破了傳統廚房的限制，開放式廚房讓煮食過程一目了然。由即炒意粉、意大利飯、鐵板燒、湯麵、粥和中式小炒都是即叫即做，比用熱盤保溫食物的感覺來得新鮮。
中式小炒夠鑊氣
定眼看着開放式廚房，這邊廂切菜炒肉、那邊廂鐵板燒的肉搶火升起小火球。我最鍾意的「表演」是中式小炒，中國菜講鑊氣，即炒即食才夠風味，中廚每日都有4款不同的中式小炒供應，熊熊爐火一點、落油、一拋上碟，全部都屬師傅功架，好睇又好食。L'Eclipse除供應自助餐，亦有alacartemenu，以亞洲及中國美食為主，糅合現代與傳統滋味。其中一款粵式烤鴨三文治，用烤鴨及四川茄子作餡料，中式食材做三文治夠新鮮。
1.蜜豆炒花枝（自助餐菜式）
自助餐每日精選中式小炒的其中一款，蜜豆花枝炒得爽口，芡汁收得剛好包在食物上，比焗在暖盤內賣相更吸引。
2.豉汁蒸蟠龍鱔（自助餐菜式）
蟠龍鱔賣相精緻，豉汁蒸能夠帶出鮮味，肉質彈牙，記得盛一小碗豉汁，用作其他美食的醬料。
3.粵式烤鴨三文治$135
中式烤鴨、風亁火腿及四川茄子作餡料，並配上地道海鮮醬的創意三文治，行政總廚Christopher都戲言︰「係咪好Duck呢？」
4.京葱辣椒炒羊肉$135
風味十足的特色小菜配白飯及油菜，羊肉的質感軟腍似牛柳，羶味不會太過濃烈，味道香辣，一食就知即炒。
5.新加坡龍蝦叻沙湯$180
以香辣椰汁湯底配以上乘龍蝦肉，湯底入口不會有漿口的感覺，辣度可隨自己喜歡或加或減。
睇路搵食
L'Eclipse（23751133）
地址︰尖沙嘴北京道8號香港朗廷酒店大堂高座
營業時間︰星期一至五6:00am-2:30pm、6:00pm-12:00mn
星期六、日及公眾假期6:30am-5:15pm、6:30pm-12:30pm
收費：成人$138-$388、小童$108-$238（因應不同時段收費不同）
座位︰124個
交通︰尖沙嘴地鐵站C出口
有着數︰於新張期內任何時段惠顧滿$1,200可獲贈限量版L'Eclipse玻璃茶杯，連閒情花茶2包。數量有限，送完即止。
