我求大俠近日聽到一單好唔愉快嘅事，西乙特內里費作客對邦弗拉甸拿，後衞文奴嘅爹哋喺現場睇波，因心臟病發逝世。話說特內里費教練卡爾斯收到呢個消息，下半場第一時間換走文奴，等佢了解爹哋嘅情況，可惜返魂乏術。特內里費最後雖然輸0:1，但卡爾斯話淨係想快啲去醫院慰問文奴，呢啲咪係好教頭囉！