香港人工作忙碌，偶有假期參加旅行團外遊，都是旨在散心充電，但有網友最近參加完一個華東七日團後，卻憋了一肚子氣，簡直「貼錢買難受」。「今次真係估唔到咁唔開心，我頭先左腳踏入門口，已經忍唔住喊咗出嚟……」原來事主在是次華東七日之旅，因拒絕購買當地導遊推薦5,800元一隻的貔貅（音：皮休），而被導遊惡言相向，全程被該名導遊針對，「句句插到應」，加上「食又食唔飽，每日瞓得唔夠四粒鐘」，所以最後決定要到旅遊業議會投訴相關旅行社。
「以為大陸團去香港先會咁，乜原來香港返大陸都會咁㗎？」網友反應激烈。亞紫說：「嘩，你好慘呀……去旅行去到咁，畀着係我，我會偷偷錄音，到時投訴都可以容易啲……」sze0925說：「去旅行都係開心啫，搞到咁真係貼錢買難受，支持你投訴到佢甩褲。」