坐完足足一日飛機，終於由香港嚟到希臘，但由於我哋搭嘅飛機喺英國希斯路機場出現咗小小問題而Delay，搞到兩位特別揸BMW750i過嚟接我哋嘅工作人員久候多時。我們到達位於雅典嘅GrandResortLagonissi酒店放低行李，當晚沒有試車活動，同廠方代表及其他國家嘅傳媒食過飯，就各自返酒店休息。
翌日吃過早餐後，就跟行家在酒店內踱步兼順道看看風景；由於酒店位於海岸線旁，風大得很，但景觀卻是無敵。不過，最高興都係可以喺未試車之前，喺酒店一個名為Captain'sHouse嘅地方，一睹新款BMWX5嘅風采，初時睇相以為部車改嘅地方唔多，但見過真車，發覺變成7人版之後，不論外觀定車廂，都有不同程度嘅改動，例如換咗新頭泵把及尾翼等等，睇落都OK喎！
記者、攝影：鄭達基
