深圳商場鬧出生劏港人及見鬼傳聞已流傳一段時間，新城電台上周三凌晨節目《恐怖熱線》再將此傳聞炒熱。當晚四名聽眾致電主持，講述親友到當地商場剪髮及修甲時，遭兇徒生劏割去內臟恐怖遭遇，連日來多個互聯網討論區上有人言之鑿鑿，信以為真；也有人認為只是謠言一樁，不必深究。
重溫當晚《恐怖熱線》，男聽眾Eden稱事件發生於深圳東門一個商場，「早前友人到該商場理髮，其中一人去咗廁所成個鐘，其他友人稍後發現事主倒斃廁所，所有內臟冇晒！」事後商場還鬧鬼，「最恐怖係有個師傅去廁所，話見到有個男人出現。」傳言繪影繪聲十分恐怖。
內地報紙被指有報道
網民對此議論紛紛，網民feebie在親子王國討論區留言：「我老公係大陸睇過份報紙都有咁講過呀！真㗎！我𠵱家唔會自己上去！」
另一網民則說：「如果發生係香港人身上，一定唔會咁輕易算數，返到香港唔嘈到拆天，一定攪大佢啦……呢啲新聞點會唔講呀……同埋次次講出嚟嘅都係話我朋友嘅朋友嘅邊個，永遠唔會有當事人嘅直系親屬嘅……同埋點解唔同報紙講？只係電台講或者係上網講呢。」
本報記者