小豬羅志祥（左）噚日喺台灣錄影節目《康熙來了》，俾主持人小S（徐熙娣右）迫供問情史兼施以胸襲。小豬淨係肯承認曾經同徐懷鈺拍過拖，小S就爆響口話小豬好小器，如果女朋友着得暴露，佢就會好嬲。不過之後小S都有補飛，大讚小豬份人其實幾浪漫，試過喺情人節親手炮製燭光晚餐，仲連樓梯都點咗蠟燭，令女友好感動。