大家有睇開我謝利嘅專欄，唔難發現我比較鍾意寫英超賽事。無他，因為工作上嘅關係，每日接觸最多嘅數據就係英超，更何況英超又真係特別好睇。
近期腳風唔係咁順嘅阿仙奴主場對熱刺呢場北倫敦打吡戰，兵工廠下場要踢歐冠盃生死戰，而且聯賽奪冠已經無望，會唔會忍痛放棄呢？睇吓熱刺作客嘅紀錄，7場3和4負未贏過，又博唔過！反而喺賠率上有啲啓示，馬會現時和局開到3.5倍，比起立博3.1倍高出好多。但主勝賠率嘅1.55倍，比立博1.66倍又壓低咗，馬會係故意做出一個假現象吸引過關飛，其實阿仙奴贏波機會唔高。馬會呢場波唔敢開亞洲盤，主隊讓半球如果打和嘅話會輸好多，有理由支持會打和。
保頓打「雷」贏面高
雷丁主場對保頓，細心分析一下馬會開嘅賠率，2.35倍、3.15倍、2.65倍，睇落保頓好似比較冷門，但如果你再同其他主流賠率去比，歐洲莊家平均開2.84倍、立博2.75倍、易勝博2.70倍，其他嘅博彩公司都係調得比平均數2.84倍為低。馬會2.65倍係最低，以其保守作風，我諗保頓嘅贏面非常之高。（11月賺蝕：-36%）
謝利
立博亞洲區首席博彩顧問
電郵：[email protected]