早前有指黃宗澤不堪野蠻女友胡杏兒常發老脾而結束地下情，但原來全屬煙幕。上周六晚黃宗澤偕母親和杏兒齊到灣仔一眼鏡店買黑超，後者更行奶奶政策，全程照顧黃母，親密關係呼之欲出。
最近盛傳地下情告終的緋聞男女黃宗澤和胡杏兒，上周六晚近9時，雙雙現身灣仔莊士敦道的麗詩眼鏡公司，同行尚有黃宗澤母親，當時三人在店內各自掃貨，既配眼鏡又買黑超，杏兒全程對黃母照顧有加，有講有笑，親切恍如一家人，謠言即時不攻自破。
現年27歲的杏兒和下月滿26歲的黃宗澤，去年初拍攝電視劇《我的野蠻奶奶》時傳撻着，至今緋聞糾纏近兩年。有報道指女方今年增肥拍攝《肥田囍事》，因體重大上大落而心情煩躁，令兩人關係告急，更演變至分手，不過上周六黃宗澤就拖女帶母到眼鏡店掃貨。
「梗有discount畀佢」
當日杏兒看來行伯母政策，𠱁得黃母十分開心，據現場目擊者說：「黃宗澤同肥田（胡杏兒）、仲有一個女人一齊睇眼鏡時，肥田成日企喺個女人身邊，好照顧佢，個女人唔知幾開心，係咁笑，黃宗澤同肥田仲試戴RayBan太陽眼鏡，佢兩個好好傾呀，好似情侶。」由於該店位處熙來攘往的街道，故吸引大批途人眼望望。
黃宗澤大前日在鯉景灣接受本報查詢時對此說：「係我介紹佢去配眼鏡，我媽咪又想配，間眼鏡舖係我老表開嘅，順便約埋一齊囉。杏兒有配到眼鏡，梗有discount畀佢啦，我就幫個朋友買太陽眼鏡。其實成個《溏心風暴》套劇嘅藝員，佢哋嘅RayBan眼鏡都差唔多由我代理。」問黃宗澤會否擔心再傳緋聞？他笑說：「冇擔心，冇理由為咗緋聞永世唔出街啩？我哋係好朋友嚟㗎。」
「熟佢媽咪唔出奇」
至於杏兒昨日在電話中則說：「係有同佢配眼鏡，佢屋企人開眼鏡舖，冇乜特別啫。」問杏兒是否與黃母很熟落？她說：「熟佢媽咪唔出奇，佢媽咪都有出嚟㗎。」杏兒更表示毋懼因此而令緋聞傳得更熾熱，她說：「啲緋聞、分手都係傳媒自己寫，從來都冇嘢發生過，我都講過好多次啦。」
採訪：林妃
