楊千嬅、關心妍、唐寧和吳日言等昨日在奧海城出席「世界愛滋病日2006活動開展禮」，多位藝人早前拍攝宣傳短片，關心妍拋開玉女形象，拿着安全套呼籲市民關注愛滋病，問關心妍可感尷尬，她說：「我拍條片時都好奇，睇吓係乜嘢牌子。工作人員有問我介唔介意，我覺得OK，細細個都學性知識，如果係保護另一半就要買，買先代表你有勇氣。」
拒為男友買套
問關心妍可需要用安全套，她說：「暫時冇用到，都冇另一半。」再問身為基督徒的關心妍能否拿安全套拍照，她迴避問題，只說：「唔好講呢啲，太尷尬啦！」
吳日言強調必定不會為男友買安全套，她說：「呢啲唔會女仔做，有需要都係男仔做，唔做（即不買）就冇（性行為）囉！我平時買衞生巾都尷尬啦！」此外，千嬅被追問唱片合約問題，她表示唱片宣傳完才公布，問她是否擔心會影響宣傳，她說：「我只係尊重公司同Paco（黃柏高）。」另外，被褡疑串謀提供假資料申領多個港台節目稿費的DJ拿拿淋已復職，但對鏡頭很避忌，活動結束便「拿拿淋」離開。
採訪：王連連
攝影：陳偉權
