米杜士堡可以話係「海鮮波」中嘅極品，呢支「英超羅賓漢」，專門劫富濟貧。今季對車路士、利物浦同阿仙奴都保持不敗，但係對住3隊「升班馬」，就竟然全部輸晒！今晚對住曼聯，我覺得佢都冇有怕。
近4次聯賽，米杜士堡對曼聯取得1勝2和1負。上季主場，米杜士堡大勝4:1，臨尾C朗為曼聯射入英超史上第1,000個入球，算叫做攞番個安慰獎。米杜士堡周中免戰，米杜士堡體力應較好，呢場波唔贏都可以打和，一於揀和波，3.7倍應該穩執。
利記連「根」拔開齋
韋根對利物浦係我另一推介，利物浦主場雖然保持不敗，但作客到𠵱家仲未開齋！周中主場同樸茨茅夫打和0:0，呢次作客韋根，好多人唔睇好，但我就唔係咁睇。韋根對親「四大家族」都冇運行。上屆對利物浦，主客都輸晒，仲連一球都入唔到；雖然話利記今季作客成績差，但呢場對韋根，客勝響頭炮冇乜走雞。呢場波利記surewin！揀單W，應該可以執番多少。
（11月賺蝕：-5.6%）
阿鵬
有線球彩台主持
電郵：[email protected]