馮國經嘅國際網絡十分廣泛,最近佢又俾一間國際機構──國際商會,推選為新任副主席,明年初開始,任期兩年。
國際商會係全球最具規模及代表性嘅商業組織,有數以千計嘅公司會員,分別嚟自超過130國家,覆蓋各類私人企業,秘書處設喺巴黎,超過2000名嚟自公司會員嘅專家,運用佢哋專業知識同豐富經驗,為國際商會喺各種特定商業議題,制訂立場。聯合國同世貿組織均與該會保持密切聯繫。
馮國經話,隨着多哈回合嘅貿易談判中斷,雙邊貿易協定陸續增加,全球商界更需要高調力挺推行多邊貿易制度。佢打算喺任內加強呢個訊息,並致力推動國際商會喺亞太區扮演更顯著角色。