上半場一開波！唔係啩！俾印度隊枕住咁攻？對方有兩下攻門都好牙煙，差啲俾人搞掂！講緊嘅係，多哈亞運男子足球分組賽，做呢場波評述，心情相當矛盾，香港代表隊中，有8個係現役或者曾經係隊友，加上本特區護照，要以持平嘅角度作出分析，談何容易呢？
幕後手足，攝影、燈光都擔櫈仔爭靚位，全部定格，聚精會神望實電視支持港隊，煞是感人！賽事中後段，港隊贏盡點數，遺憾遲遲未有入球。印度竟然喺完場前分半鐘，30碼外施放冷箭，港隊中伏落後0:1。唔係咁邪呀嘛，我首次評述香港隊就輸波!?
惟有堅持到底，同球迷講比賽仲未打完，只要港隊急起直追，仲可以追平！最後一刻，港隊及時扳平，天意！
情況未致太壞
明天港隊迎戰伊朗，大家都認為劫數難逃。但係，足球場經常話畀我知，足球比賽無必勝嘅一方，心理質素才是致勝之道。期望年輕有為嘅香港隊，能夠放開懷抱，創造驚世奇迹！
馮嘉奇
碩士球員讀萬卷書，親身歷盡各國足球風情。