郭富城舊愛AmandaStrang被雜誌偷拍她與男友在家中親密照，內文更露骨地暗示二人在大廳親熱，Amanda昨日在銅鑼灣變身「黑面女廚神」煮意粉，她無奈表示會繼續在家做愛做的事，但為了保留父母心中的好女孩形象，會向父母講大話指雜誌只是拍到其拖狗相。
郭富城與熊黛林戀情鬧得熱烘烘，連城城舊愛AmandaStrang也被人翻舊賬，近日更被《東方新地》刊登她與男友在家中親熱的照片，文中暗示她倆在廳中親熱，又指其男友在大廳露下體云云。
「冇得錫點算呀」
AmandaStrang昨日在銅鑼灣為Fisher&Paykel廚具宣傳，一直黑住面烹調意粉，明顯心情欠佳。她煮完餐後無奈透露相片其實在8月時拍，她說：「之前已經有其他models叫過我喺屋企都要小心，但我男朋友唔係明星，唔知點解都要影我囉。我就OK，我男友係鬼佬佢都冇嘢，喺屋企攬攬錫錫好平常，冇得錫點算呀？！」
提到該報道非常露骨兼三級，更指其男友用紙巾抹下身，Amanda一臉無奈說：「冇呀，哎，冇辦法啦，其實啲相睇唔到啲乜，啲字講乜我都唔理，我哋拍拖三年半，喺屋企都係鍾意做乜就做乜，拍拖都係咁，嗰時係夏天梗係着得衫少啦。」她又強調自己是好女仔，問到如何向其保守的父母交代時，她說：「我主動報咗案，惟有講大話話其實係影到拖狗出入嘅相，希望佢哋唔知啦。」
過來人：快送窗簾
之前也被偷拍家中閨房樂的LisaS.，昨日以聖誕女郎造型在銅鑼灣豐澤瘋狂購物，她火速掠走兩部攝錄機及三部手機等五萬多元電器，滿載而歸，提到好友Amanda同遭偷拍親熱照，她說：「我不相信她們是做愛，我估只是kiss，不用太驚訝，若果影到Amanda與其他男人才是大新聞！」她自言家中已24小時拉窗簾，她笑說：「Amanda的父母應該快點買窗簾送給她。」
採訪、攝影：RitaLeung
