黃耀明同周迅特別有緣

黃耀明噚日去商台接受訪問，佢透露新碟有首歌係同出爐金馬影后周迅合唱，仲大讚對方歌藝好。明哥話：「周迅第一次見到我，就係喺銅鑼灣一間24小時超級市場。」明哥話因為大家互不相識，所以冇打招呼，點知幾個月後大家又喺東京一間24小時書店相遇，但周迅都係冇嗌佢，最後兩人喺導演介紹下先正式認識。