名模陳沛嘉、姚書軼（Mikki）前晚在中環宣傳TheMacallan威士忌，陳沛嘉一見記者就自動報料說：「我見到郭富城同LesileKee單新聞，好身同感受。」
彈捐錢太少
陳沛嘉續說：「因為我兩年前影咗一輯性感相，輯相只係用手掩住重要部份，當時我係一心諗住自己珍藏，呢兩個月突然收到嗰位攝影師電話，佢話遲啲出書，要將我幅相放埋入去，我即時拒絕，點知佢就發晦氣，SMS話：『以後同你合作唔到！』公司怕張相見街會影響我形象同接job，我已經叫律師寫定信，若果佢出，我就會採取法律行動。」
雖然陳沛嘉讚LesileKee攝影技術，但大彈他捐錢太少，她說：「若果做善事，佢本書只係捐一成就太少，你係有心就應該捐晒出嚟，咁先係全心全意！」LesileKee《Superstars》慈善影集正價300美元（約2,332港元），每售出一本只捐出低於一成的20美元（約155港元）給予宣明會。
採訪、攝影：JessicaNgan