張敬軒與王菀之關係非比尋常，兩人會拖手出街，互傳的電郵中更會出現ILoveYou等親暱字句，但軒仔強調兩人並非拍拖，只是很要好的朋友，當王菀之找到真愛時，軒仔這個後備男友便功成身退。
張敬軒和王菀之的緋聞不知不覺已傳了差不多一年，最近有指兩人感情轉淡，不時分開蒲夜店，問軒仔是否與王菀之分手？他解釋說：「其實我同王菀之只係好好嘅朋友，起初大家傳緋聞都覺得冇乜所謂，不過最近大家發覺夠嘞，佢仲講笑咁同我講叫我唔好再倒佢米㖭，我都覺得係，我係男仔就話冇所謂啫，但始終女仔有緋聞唔係咁好。」
爆王菀之潑辣
但軒仔曾否對王菀之心動？他說：「其實佢嘅條件中咗六成，但有啲嘢就真係唔係好啱我，佢好任性，仲有啲藝術家脾氣，有時覺得佢未必可以照顧到我。不過我哋好保護大家，關係好奇妙，有時會拖住手行街，但就唔係男女朋友，互通嘅email經常會有Imissyou同Iloveyou呢啲字句，如果佢冇男朋友嘅時候，我對佢做出好似佢男朋友嘅嘢，不過如果佢有男朋友，我當然只會戥佢開心啦，變番朋友嘅關係。」
軒仔表示兩人其實是對歡喜寃家，一見面就互窒對方，他笑說：「咪睇王菀之好似好斯文，其實佢同人鬥嘴嗰陣好犀利，你估佢唔到㗎。」相信這方面真是只有軒仔才知道。
採訪：胡比
攝影：陳俊強
場地提供：GatewayTheContinentalClub
