周六齊於主場進行聯賽的喜伯年、歐塞爾及比拉馬，俱有不俗勝機，可與法甲聯色當打和特魯瓦，齊當今周末2線聯賽初步出擊精選。
蘇超聯球隊喜伯年近況不俗，近4場聯賽錄得2勝2和，包括前仗作客大勝馬瑟韋爾6:1開「客其他」波膽，以及上周主場打和勁旅些路廸2:2。今日喜伯年於主場迎戰最近4場作客聯賽全敗嘅登地聯，可捧。
法甲聯歐塞爾今季主場成績麻麻地，迄今聯賽8戰只有3勝3和2負，但今輪秩序迎戰對手係作客表現差勁嘅尼斯；歐塞爾近兩季主場對尼斯亦贏晒，尼斯更加係目前法甲聯客場積分榜尾二球隊，今場主隊W同樣可捧。
色當迎特魯瓦和波格
色當主場迎戰特魯瓦一仗，主隊喺近10場聯賽表現榜上排名包尾，只得1勝4和5負，今季整體表現亦唔掂，等降班嘅格局；特魯瓦作客都唔係好，迄今8戰未開勝門，今日兩軍對碰，和波機會高。
葡超聯「海軍鬥水兵」之戰，尾二球隊比拉馬主場迎戰尾五球隊比蘭倫斯。比拉馬今季聯賽主場5戰雖只得1勝，但亦只輸過1場，其餘3場打和對手，得分率高；比蘭倫斯作客唔見得好，只贏過降班膽艾維斯，今仗敗陣機高。
文︰華度