邦最近對用開嗰部已用上多年、兼耗油量高達$1.5/km嘅家庭房車感到厭惡，萌生換車念頭；雖太太Nicky也贊成，但同時開出2個條件，就係好力同慳油。「我睇中新款HondaCR-V正好符合呢兩個條件，單係每公里不足$1嘅耗油量已夠晒吸引！慳起嚟嘅油錢，仲可當額外家用畀Nicky，難得買車『准奏』外，佢仲讚我養車慳到油錢，家用唔會Out筆㖭！」
記者：鄭達基
攝影：林栢鈞
演出：Nicky、邦@TheGroup
要得老婆大人准奏買車，最易過關係揀部較寬敞嘅旅行車款。Honda呢部城市SUV有馬力有空間之餘，耗油量仲比同級車為低！
加大馬力上山夠耐力
邦：「太太Nicky今晚要出發前往法國個多月，唉，那麼長的時間，獨個兒真的不知怎過，所以我趁着今早尚有時間，特別開着新買的HondaCR-V，載她到山頂邊看風景邊談心；我們取道陡斜車多的紅棉道跟馬己仙峽道前往目的地，那台全新2.4公升引擎此時便發揮功效。由於注入了Honda獨有的i-VTEC技術，它不但馬力輸出達170匹，就連扭力輸出也要比舊有配用2.0公升引擎的型號，還要多出3.0kgm，加上波箱也是全新的5前速型號，在這2段對汽車輸出要求甚高的路段也可輕鬆應付，只可惜踏深些少油門時，引擎會不斷發出『抗議』之聲，令人覺得感到有點煩厭……」
Nicky：「其實邦買新CR-V時，真有點擔心耗油量，因為2.4公升引擎比原來擁有的2.0公升房車還要多出400c.c.，耗油量不比它多嗎？我才不相信！可是，事實卻真的如此，我們從天水圍的家出發，沿途經過高速公路跟大斜路才來到山頂，估不到燃油存量的顯示幾乎動也不動，若以廠方公布的12.2km/L耗油量，跟本港$13.13/L的油價計算，平均每公里僅$0.92，當然香港的情況有所不同，但我估計也不出$1.3之內，看來它真的很慳油。吖，慳埋嘅油錢，夠我用嚟做家用，買多兩餐好餸畀邦食喎。」
城市SUV跑山、穿車話咁易
勝在寬敞靚太當掃貨車
新款CR-V系列特色，就是車廂本已闊落，碰上有需要時更可把座椅覆摺放平，增加尾廂載物空間，這都是城市SUV的賣點，也是新車的重點推介地方；跟以往一樣，可選擇單把後排椅背放平的同時，也可選擇將坐墊連椅背一併收摺，以營造出高達955公升容量的尾廂。
Nicky：「車廂空間幾大，試過走到摩星嶺野餐，卻忘記帶野餐用座椅，老公突然走到後排將椅背收起，並打開尾門叫我坐進去，說要將尾廂當作野餐場地！哈，想不到尾廂空間是如此闊落，坐進去感覺很舒服，大可作儲存Shopping後的戰利品，又或放多件大行李都得。稍感不足係中控台上的冷氣控制鍵設在波棍的前方，乘客若要調校風速，便會妨礙駕駛者轉換波檔，而後排座椅的承托力也略嫌不足，尤其當邦在前往摩星嶺的連綿彎路上行駛，坐在後排看書的我只覺坐得不穩，長途行車也會令人感到疲累呢！」
宣萱馬德鐘曾是CR-V車主
唔講唔知，原來香港有唔少藝人也曾成為HondaCR-V的車主，而且大都是第一代型號，其中近期在電視劇《賭場風雲》中飾演李青雲的宣萱，和近年緋聞不斷的馬德鐘便是其中之一；可惜前者的一部，在2001年不幸在將軍澳隧道前的迴旋處，跟一部貨車發生碰撞，慶幸車毀人未傷。同時，她另外擁有一部AudiTT跑車，作為代步之用。
HondaCR-V規格
引擎： 2,354c.c.直4DOHC配i-VTEC
馬力： 170ps/5,800rpm
扭力： 22.4kgm/4,200rpm
傳動： 5前速自動波，前輪驅動
懸掛： （前）麥花臣支柱
（後）雙搖臂
制動： （前）透氣碟
（後）碟式（ABS）
輪胎： 225/60R18
尺碼： 4,520×1,820×1,690mm
軸距： 2,620mm
車重： 1,520kg
平均耗油：12.2km/L（日本10‧15模式）
售價：$202,500起
車輛提供：富利堡汽車
（28776700）
