向來形象斯文嘅「閔大人」池珍熙，早前接拍《血與骨》導演崔洋一執導嘅新片《壽》，電影將會喺明年2月上映，噚日有關方面就率先公布咗新嘅宣傳海報。據知喺拍攝其中一幕動作場面時，池珍熙唔小心擦傷右手韌帶，好彩並冇骨折。池珍熙喺開鏡前更積極操fit自已，片中有唔少追車戲，池珍熙都唔用替身，親自上陣拍攝。