環球唱片公司近年屢次地震，內部不停改組，盛傳將與同系公司合併，慳減開支。近日更有消息指環球旗下女子組合2R正謀後路，計劃明年初約滿後蟬過別枝，成員Rosanne表示續約仍屬未知之數，她慨歎說：「我哋做歌手嘅，真係有啲亂。」
女子組合2R近期新聞多多，繼日前傳出成員Race已秘密嫁星洲富商後，她和胞姊Rosanne又即將面對另一抉擇，就是歌唱事業問題。她們所屬的環球唱片公司曾備受高層變動及市道不景氣影響，內部曾經多次改組，上月更盛傳環球將與同系的正東、新藝寶和上華四合一，以節省資源，消息傳開後，對一班歌手不無影響。
合併事唔敢問
2R過去一年除了將演藝重心放在演戲方面之外，有消息指她們將於明年初約滿環球，由於公司前景未明朗，據知她們正謀後路，更有其他經理人公司向二人招手。日前本報記者聯絡上Rosanne時，對於即將約滿一事，她支吾以對一輪後才說：「係明年，但實際幾時唔方便講，都未有決定。」
環球曾多次發生高層變動，問Rosanne會否覺得難以適應？她說：「我哋做歌手嘅，真係有啲亂，成日同唔同人合作，到大家習慣咗合作形式，又要分開。但公司對我哋係好嘅，我哋依然有嘢做，今年都接咗幾個大廣告，𠵱家咁嘅市道，有嘢做已經好好，早排我同妹妹為舞台劇排舞，排完已經好攰，仲要即刻做騷，我哋都唔會有任何complain。」環球與同系公司合併傳得甚囂塵上，Rosanne竟稱一無所知的說：「我哋唔敢問，公司有乜嘢問題，我哋唔清楚。」
舞蹈劇破紀錄
此外，Rosanne透露早前表演音樂舞蹈劇《笑傲江湖》，入座率99%，成為香港舞蹈團演出以來最佳入座紀錄，故該團正斟洽2R添食，或作巡迴演出，她笑道：「我話最好喺半年之內演啦，因為我剃咗頭，暫時會keep住，但長咗就做唔到。」
採訪：朱倬誼 攝影：林德雄
服裝：連卡佛
