愛爾蘭搖滾樂隊U2嘅主音Bono（左），一向致力幫助第三世界嘅愛滋病患者同生活喺貧窮線下嘅人，噚日佢去日本同首相安倍晉三會面，大讚日本喺呢兩方面嘅貢獻，又送咗副為籌款而設計嘅Red系列太陽眼鏡畀安倍。安倍都好畀面咁即刻戴住，連Bono都讚佢有型。雖然會議只係討論第三世界嘅問題，完全冇關於音樂嘅嘢，不過Bono話下次有機會一定要問下首相最鍾意嘅唱片係邊隻。