莫文蔚（Karen）前晚與古天樂出席有份配音的動畫電影首映，Karen表示家人會分工合作支持她的新戲，男友馮德倫則上網查票房。談到男友正積極減肥，她覺得男友肥點會可愛點，但也喜歡對方肌肉結實一些。
莫文蔚與古天樂前晚於銅鑼灣出席動畫電影《沖出水世界》首映禮，二人聲演兩隻老鼠主角，有份配音的錢嘉樂、林曉峰及秦沛也有到場。
Karen表示每次有戲上畫，家人例必分工合作支持，其母及哥哥前晚也有現身捧場，她說：「我爸爸會買飛睇正場，睇吓觀眾反應，我媽媽次次都畀中肯意見。」至於男友馮德倫，Karen說：「佢上網check票房，都會買飛睇。」她又謂若男友需要，陪伴對方多看幾次也沒問題。
「唔好骨杉杉」
Karen正籌備新唱片，問她可會與男友合唱，她說：「佢主攻電影，唱歌等我嚟啦。」馮德倫最近積極減肥，誓做最靚仔導演，Karen卻說：「佢都有用我嘅修身腰帶，我就覺得男仔唔好骨杉杉，我鍾意男朋友肥啲可愛啲，大隻、肌肉結實嘅最好。」
古天樂透露正忙於與范冰冰合作拍攝新戲《破軍》，有指女方拍《墨攻》時不與其他演員溝通，古仔說：「我同佢唔係第一次合作，我呢邊冇呢個問題，就劇情需要而溝通囉，又冇親熱戲。」
談到郭富城為著名新加坡攝影師LeslieKee拍慈善照片後，被人以電腦褪去泳褲，古仔說：「我冇參與類似工作，啲廣告商要我影相都有正常衫着。」至於城城的遭遇，古仔只說一句：「科技發達。」
採訪：魯萍
攝影：陳慧安
