美國大熱劇集《逃》（PrisonBreak）喺歐美以至亞洲都創出收視紀錄，帶挈劇中主角、現年34歲嘅英國型男WentworthMiller人氣急升，仲無端端做埋內地一間醫院嘅「代言人」㖭。
馮仁昭最近揭內地報紙，發現內地有一間名為福州鼓樓醫院喺報章登咗一系列廣告，用嚟推廣佢哋醫院治療前列腺問題嘅「3+N短程高效療法」，廣告聲稱可以喺三至五日內治癒令男人頭痛嘅前列腺問題，仲用咗Wentworth着西裝嘅靚仔樣作招徠。
外國網站傳閱
以現時Wentworth嘅身價，拍一個廣告分分鐘可以賺幾百萬美金，今次佢忽然成為前列腺疾病大使，馮仁昭相信佢本人應該都毫不知情。不過呢兩日已經有外國娛樂網站廣泛報道呢個消息，睇怕福州鼓樓醫院如果繼續登呢個廣告嘅話，都難逃俾人告嘅命運喇。
