許懷欣（Ryan）早前與數位由澳洲到港的滑板高手同場較量，其間他儼如「問題青年」般，不停請教玩滑板的技巧。曾玩滑板弄致斷腳骨的Ryan，表示加入樂壇後不敢再做高危跳板動作，不想因受傷而影響工作。
許懷欣15歲時在爸爸許冠傑的教導下玩滑板，之後愛上這玩意。日前他更與從澳洲來港的滑板高手切磋，見Ryan身手敏捷，技術毫不遜色，還不停詢問有關玩滑板的技巧，可見其狂熱程度。Ryan說：「係爸爸教我玩滑板嘅，佢算係我第一個師傅，之後我就瘋狂愛上呢種運動，日日都踩住塊滑板。」
邊玩邊學中文
當時很多人認為玩滑板的都是不良少年，Ryan卻表示父母從沒擔心過他終日與朋友到公園玩滑板而學壞，他說：「我好多時都會同一班玩滑板嘅朋友去公園切磋，佢哋個個都好乖㗎，所以爸爸媽媽都好放心，而且我玩滑板之餘，班朋友仲教識我好多中文，令我中文進步咗好多。」
不過Ryan試過玩滑板跌斷腳骨，要治療數月才完全康復，加入樂壇後，他便不敢再做一些高難度動作，他說：「以前細個真係乜嘢花式都敢玩，跳到幾高都唔識驚，但𠵱家唔可以咁貪玩啦，因為整斷骨要幾個月先好番，我好怕整親後冇機會再唱歌，所以𠵱家都少咗玩。」
採訪：李珮洳 攝影：陳慧安
場地提供：SixKeyz 服裝提供：Billabong
