政府噚日公布財務匯報局嘅人選任命，由婦女事務委員會主席高靜芝出任主席，唔知係咪負責今次成立財匯局嘅馬時亨對婦女特別有好感，局內成員仲有兩名女士，包括婦女事務委員會前任主席梁劉柔芬，以及理大工商管理學院院長徐林倩麗。
至於其他成員則包括會計師公會前主席甘博文、證監會前執行董事狄勤思、港交所董事鄭慕智、中信泰富執行董事莫偉龍，以及金門建築顧問MartinHadaway。財匯局嘅成立，其實主要由於01年美國爆發Enron事件，令市場關注上市公司嘅賬目問題，因此香港亦要跟隨大勢，搞番個負責調查上市公司核數不當行為及會計違規問題嘅法定機構。至財匯局行政總裁人選，較早前已公開招聘，相信快有結果。