炒股寧選強者，可謂一點沒錯，好似昨日提及的鞍鋼（347）與馬鋼（323）再飆一段，亦帶起重慶鋼鐵（1053）一齊炒，總之強勢股狂升會惠及同類落後股，至於較弱勢股份在「大時代」雖然都會炒，但就可能要等到強勢股升勢已老之後才會接力。散戶若在年內升浪中賺了不少，又想略為進取尋求一些比定存高不知多少的投資回報，不妨考慮買入粵海投資（270）當儲錢。
粵投本身物業資產豐厚，但好似冇乜人注意，其水務項目係未來盈利的秘密武器，看看中國水務（855）炒到飛起就知，冇理由粵投坐擁多樣質優資產及項目，卻仍是未創年內新高的中資股份！
炒收購炒分拆
粵投上半年純利8.3億元，供水利潤助益不少，集團食髓知味，證實將積極物色水資源投資機會，初步已有3個供水項目或成注資對象。加上管理層承認考慮將酒店業分拆上市或出售，股價前景實有不少利好因素誘發大升。
粵投近期走勢漸似出現一浪高於一浪形態，可伺機吸納，策略則適時因應股價表現而定，如果一買就即時大升，最好不過，即使買入等狂升亦可以，讓時間替你儲錢。
方星俠