前晚英超曼聯迎戰愛華頓場波,賽前發生咗件搞笑嘢,話說兩軍開波前列隊嗰陣,愛華頓隊長菲臘尼維利唔知係咪仲以為自己係紅魔球員,竟然拉大隊向曼聯球員握手,係人都知主場嗰隊先會咁做。好彩菲臘仔大佬加利仔提醒,叫佢「返埋位」等曼聯過去握手就得喇,睇嚟菲臘仔踢慣咗奧脫福頂啦。