薛凱琪（Fiona）前晚與鍾鎮濤演出《勁歌金曲》，她自爆早前在內地拍戲遭阿嬸奚落，對方見她站在簡陋士多吃豬腸粉，應該是名不經傳的藝人，不過Fiona謂沒因此傷心，她說：「張曼玉去偏遠地方，得幾間食店都要食㗎啦。」
薛凱琪、鍾鎮濤（阿B）、林一峰及新人鄺祖德等前晚在將軍澳電視廣播城演出《勁歌金曲》，Fiona與阿B合唱BeeGees的《LoveSomebody》，表現投入。
欲與鄭秀文合作
Fiona接受訪問時表示早前在內地拍新戲《新不了情》時，在一間簡陋的士多前吃豬腸粉，剛好有幾位阿嬸在場，士多老闆向阿嬸們介紹Fiona是香港的明星，誰知阿嬸們對她說：「梗係唔出名，出名就唔會喺度食豬腸粉。」Fiona對此說：「我冇傷心，我係唔出名，如果張曼玉去到新疆啲偏遠地方，得嗰幾間舖頭都要去食㗎啦，我唔覺得hurt。」
Fiona又透露很高興可以和阿B合唱，她說：「原來佢份人好風趣，我仲以為佢好嚴肅㗎㖭，佢不停問我記唔記得歌詞，好錫住我，我由緊張都變得好relax。」Fiona謂有幾位前輩她也想合作，她說：「張國榮啦，可惜佢已經唔喺度，仲有恭碩良同鄭秀文，之前我做過鄭秀文嘅嘉賓，兩個獅子座喺台上，兩個good呀。」
出碟送紅色日曆
阿B前晚率其黑茶樂隊現場演繹新歌《日日是好日》，他透露新碟已籌備得如火如荼，早前到一間有50年歷史影樓拍封面照，頭一批新碟還會限量附送07年日曆，他說：「配合首歌《日日是好日》，成份日曆嘅日子都係紅色，假期就係金色，食字金日嘛，我驚唔夠送。」
採訪：李珮洳
攝影：葉君海
