一手創立國際時裝品牌上海灘的鄧永鏘，前晚出席手錶活動時竟發表支持老翻偉論，他表示太太曾到深圳買了兩隻「假勞」給他，坦承有購買翻版鹹碟的他，更笑言不愛看日本AV，因為太多格仔。
已故鄧肇堅的孫兒、國際社交界名人鄧永鏘，前晚現身金鐘香格里拉酒店，出席崑崙錶活動，他不但手上佩戴價值約逾1萬元的波爾錶「踩場」，更發表獨特的老翻偉論。記者提到他曾在其英文著作《AnAppleaWeek》中透露擁有數隻老翻名錶時，他也直認不諱。
語出驚人的鄧永鏘說：「勞力士（Rolex）成20萬先一隻，唔係個個人買得起，我自己都有兩隻假勞，係老婆喺深圳用120蚊一隻買番嚟，戴假嘢，夠平，跌咗可以算數，壞咗咪掟咗佢，唔會心痛。」記者表示現在人人打擊翻版，他為何大唱反調？鄧永鏘即說：「啲名牌成日話打擊翻版，唔應該咁大陣仗，其實翻版可以刺激銷量。呢啲係畀啲冇錢買名牌嘅平凡人買。」
虛假浪漫
「買假珠寶畀老婆」
鄧永鏘更表示打擊翻版十分困難，他說：「雖然中國加入咗WTO（世界貿易組織），係應該尊重唔做假嘢，不過好難，除非共產黨話做翻版要斬頭咪得，我自己都買假珠寶送畀老婆，個保險箱全部都係假嘢，唔會話畀佢聽買假嘢，講咗畀佢聽就唔浪漫。」
問鄧永鏘會否購買翻版電影光碟時，他笑說：「自己心急，等唔到，大銀幕未上嘅話都會買。」記者再追問他有否購買日本鹹碟時，他即幽默地說：「日本嗰啲唔得，鬼佬先得，太多階磚（格仔），好似捉棋咁，最緊要係人靚，真正嘅鹹濕片係睇上面，唔係睇下面。」問他與太太閨房樂時是否也只留意太太的上面，他即笑笑口說：「夜晚熄咗燈，乜都睇唔到，只係用手摸，性感啲。」
人人有份
家人均擁冒牌名錶
鄧永鏘在其著作《AnAppleaWeek》中曾寫道：「我有3隻Rolex、2隻PatekPhilippe、2隻Cartier及1隻Panerai……我的太太有Herm囗s及Chanel各1隻……連我的司機都有2隻Omega、3隻Cartier、4隻Panerai及2隻鑲鑽Rolex。但以上這些名錶都是假的……如果我想買更多，只要駕車去廟街，就可以要幾多有幾多。」
對於鄧永鏘支持買翻版，鄧達明律師指其言論純屬個人意見，不構成刑事罪行，但道德上並不恰當。鄧律師又說若其言論提及某品牌，該公司可循民事法律程序向發出言論人士提出索償，他說：「例如某品牌可以話你公開喺媒體講，支持買我公司被人翻版嘅產品，引致我公司營業額下跌5%，要求你金錢賠償。」
此外，近來不斷有演員與名人站出來承認有買翻版碟，香港電影協會主席洪祖星昨日在電話中說：「我希望大家能夠尊重知識產權，特別係紅藝人，連影圈紅星都去買老翻，咁同業又點教育市民唔好去買？」
採訪：梁錦雯 攝影：陳順禎
