萬眾期待嘅Wii，雖然日版最快仲有成個幾禮拜至到香港，不過喺美國獲得一致好評嘅佢，有少量貨源經已抵港，《蘋果》先幾日都即時做晒Report，我諗你哋應該睇晒啦。話時話，有人話主機連隻《薩爾達》要成$3,550幾揦脷吓，但係我收到風由於暫時供求都算幾平均吓，每日都有新客嗱嗱聲出機，所以聽聞暫時都唔會有落價空間，直至遲啲有好大Lot貨返嚟為止。友人Ｌ就坦言，𠵱家買得Wii嘅都係想玩英文版《薩爾達》啫，唔通貪日版主機嘅佢要硬食日文咩！咁又係喎，喺GC嗰陣都有唔少人拒日文Game於門外，齋玩美版Game就夠皮，所以我諗𠵱家Wii嘅情況都係咁上下。友人Ｌ仲話，假如遲啲日本都唔夠Wii派貨，搞到要四千幾蚊連一隻Game，咁就可能令班死硬派考慮吓做英文人咯。
文：快D_HL