陳敏兒（右）噚日去港台出席「開心日報之演藝界No.1好老婆選舉」活動，佢獲市民選為心目中最好老婆第一位，老公廖啓智（左）仲以神秘嘉賓身份負責頒獎，令敏兒甜到漏。敏兒好謙虛咁話：「其實我覺得我只係一個及格嘅老婆，至於做好老婆嘅條件，我覺得唔可以淨係識得忍，一定要有適當嘅溝通、坦誠相對先得，以前都有一段時間嗌交，最後都因坦誠而化解咗。」