利物浦主場連勝，樸茨茅夫就作客連敗多場，周三英超聯「紅軍」正好於主場出迎樸茨茅夫，富貴險中求，就走偏鋒向「讓球主客和」客軍受讓的「客勝」埋手。（球賽編號：星期三16；有線64台明日4:00am直播）華度
今仗是利物浦連續第3場主場，過去兩仗俱響勝鼓，最近6場主場賽事亦全勝，今季所有賽事主場計，12戰錄得11勝1和，非常厲害，堪稱當前歐洲頂級聯賽「主場王」！
樸茨茅夫作客表現剛好相反，連同周日聯賽作客負紐卡素0:1，最近5場作客賽事全敗，兼於最近3場作客比賽，無法取得任何入球。
利物浦陣容不整
睇以上表面數據，今仗的確有利於利物浦開W。不過，從利物浦近期表現看，勝來亦未算太具說服力，一對中場主將沙比阿朗素及施素高的因傷缺陣是關鍵，亦過份倚靠個別球員狀態好壞；今仗又有辛頓這位中場倦勤，據報要由加歷查或丹尼爾艾格等後衞移任中場。利物浦單W只有不足1.4倍，值博率並不高。
樸茨茅夫雖然近況平平，但今季亦曾有過佳作，如季初聯賽夜戰，作客大勝米杜士堡4:0。樸軍人腳亦算有一定質素，實在有客場「反底」機會；現時連續5場客場不勝，某程度上是更具續追這條「長路」斷纜機會，今日就不妨向分頭十足的「讓球主客和」「客勝」埋手。