港人崇尚名牌風氣愈趨熾烈，不少人對此風甚為反感，最近有網民拿中環白領開刀，批評一身名牌的中環時尚男女肯花錢買名牌，卻又要貪平迫電車，令窮人冇車搭，還抬出歌神許冠傑名曲《先敬羅衣後敬人》，諷刺當下的名牌風氣。
「我愈來愈不喜歡中環白領！」candy1985在香港討論區留言：「架架叮叮（電車）都滿晒，仲見好多OL死迫上車，佢哋周身名牌……佢哋使唔使咁慳？個個咁鬼光鮮，去迫一架要企在門邊的叮叮？真係過份！」
此番言論得到不少人附和，jalm語帶諷刺地說：「唔搭叮叮邊有錢買名牌。」cheung_howard則無奈地表示：「冇法啦！喺中環立足點都要有啲名牌傍吓身，住公屋穿名牌，唔出奇。」
有網民對現時社會崇尚名牌的風氣非常不滿，屍朗表示：「𠵱家個世界係咁㗎啦，先敬羅衣後敬人。」mwtsy即時引用許冠傑舊作《先敬羅衣後敬人》的歌詞：「寧願少吃餐，時裝錢咪慳，就算水亁幾大要撐！」他慨歎：「香港地係咁㗎，冇計啦！」
網友慨歎香港怪現象
也有網友反對將名牌與搭電車拉上關係，e2me表示：「雖然我唔着名牌嘢，不過人哋着乜坐乜關你乜事。」johnmary亦說：「人家名牌背後係佢哋真金白銀買的，着名牌不能迫公車嗎？」